පළකල දිනය : Mon, Jun 27th, 2016

නම නොකියන නිපුණිකාගේ ආදරවන්තයා

නිපුණිකා ආයෙත් කලා කටයුතු පටන් ගත්තා නේද?

ඔව්, ආරාධනා බොහොමයක් ලැබුණා. ඉතින් ආයෙත් රඟපෑම් කටයුතු පටන්ගත්තා.

මේ දවස්වල දායක වන නිර්මාණ මොනවද?

සඳරුවන් ජයවික්‍රමගේ අලුත් නාට්‍යයේ සහ නිල්වලා ආයතනයේ නාට්‍යයක රූපගත කිරීම්වලට සහභාගි වෙනවා.

රඟපෑම් කටයුතුවලින් කොච්චර කාලයක් ඈත්වෙලා හිටියද?

වසර 2ක කාලයක්

ඇත්තටම ඇයි කලාවෙන් ඈත් වුණේ?

කලාවෙන් ඈත් වුණේ මගේ උපාධිය සම්පුර්ණවීමත් සමඟ මට ඊට සරිලන රැකියාවක් ලැබුණා. මටත් වුවමනාවක් තිබ්බා ඉගෙන ගත්ත දේ තුළින් රැකියාවක්‌ කරන්න. ඒ නිසා තමයි ඈත් වුණේ.

රුකියාවයි රඟපෑමයි දෙකම කරන්න හිතුනේ නැද්ද?

ඔව්, එහෙම කරන අයත් ඉන්නවා. නමුත් මම හිතුවේ හැමවෙලාවෙම කරන දේට උපරිම සාධාරණයක් කරන්න. කලා කටයුතුවලදී ලොකු කැපවීමක් කරන්න ඕන. ඉතින් මට හිතුණා මේ දෙකම කරන්න ගිහින් එක්‌ දෙයකට අසාධාරණයක්වෙයි කියලා. ඒ නිසා කලාවට පොඩි සමුදීමක් දීලා රැකියාවට යොමු වුණා.

දැන් ආයේ රැකියාවට යන්නේ නැද්ද?

නැහැ. මම ආයේ කලා කටයුතු පටන් ගත්තේ රැකියාවට සමුදීලා

ආයෙත් කාලෙකින් රඟපෑමට සමුදීලා රැකියාවට යොමු වෙයිද?

එහෙම වෙන එකක් නෑ. මට ඕන වුණා මම ඉගෙන ගත්ත දේ තුළින් රැකියාවක් කරන්න ඒ අත්දැකීම ලබාගන්න. ඉතින් මම ඒ දේ කළා. ඒ ගැන මට සතුටුයි.

රඟපෑම් කටයුතු වලින් ඈත්ව සිටීම ගැන දුකක් නැද්ද?

ඇත්තටම කලාව කියන්නේ ගොඩක් සුන්දර තැනක්. මම හැම නිර්මාණයකම වැඩ කළේ ඉතා සතුටින්. රැකියා පරිසරය ඊට හාත්පසින්ම වෙනස්. හැබැයි මම ඒ කාලය තුළ රැකියාව කළෙත් ඉතා සතුටින්. හැබයි පුංචි දුකක් නොතිබුණාම නෙවෙයි.

රඟපෑම් කටයුතුවලින් ඈත්ව සිටීම ගැන පසුතැවෙනවා ද?

අනේ නෑ. මොකද මම හිතනවා මගේ ජීවිතේ මට හැමදෙයක්ම හරි වෙලාවට ලැබුණා කියලා. ජීවිතය ගැන මම කවදාවත් පසුතැවෙන්නේ නෑ.

පුංචි තිරයෙන් දකින ඔබට රිදී තිරයෙන් ආරාධනා නැද්ද?

තවම මට සිනමාවට ආරාධනා ලැබුණේ නැහැ. බලමු ඉදිරියේදී හොඳ නිර්මාණයකට ආරාධනා ලැබුණොත්. ඒ දේවල්වලට දායක වෙනවා.

නිපුණිකා කොහොමද චරිත තෝරාගන්නේ?

කොහොමත් මම මගේ සීමාව ඇතුළත වැඩකළ කෙනෙක්. මට දෙයක් කරන්නට පුළුවන් ගෙදර අයත් එක්ක එකට ඉදගෙන බලන්න පුළුවන් නිර්මාණ පමණයි මම භාර ගන්නේ. මට බාල මල්ලි කෙනෙක් ඉන්නේ. ඉතින් මම කරන කියන දේවල් වක්‍රාකාරව හරි ගෙදර අයට බලපානවා. ඒ නිසා ඒ හැමදෙයක් ගැනම හිතලා තමයි මම චරිත දැනට කළේ. ඒක ඉදිරියටත් එහෙමයි.

දැනට කරපු චරිතවලින් කැමතිම චරිත මොනවද?

සඳසාවි ටෙලිනාට්‍යයේ ප්‍රියන්වදා චරිතය සහ පබසරා නාට්‍යයේ පබසරා කියන චරිත දෙකටම මම කැමතියි.

නිපුණිකා ආදරය ගැන කතා කළොත්?

ආදරය ගොඩක් හොඳයි.

මේ කාලයේ ආදරය ලබනවාද?

හ්ම්ම්… ආදරය කරනවා කිවුවොත් හරි

ඒ කියන්නේ පෙම්වතියක්. ඒ ගැන කියන් නැද්ද?

මම කෙනෙක්ට ගොඩාක් ආදරය කරනවා. දැනට ඒ ඇති. ඒ කවුද කියලා පස්සේ කියන්නම්

අනාගත බලාපොරොත්තු?

මගේ ජීවිතේ එහෙම ලොකු බලාපොරොත්තු නෑ. මම දවසේ වැඩ කටයුතු ලැබෙන විදියට භාරගෙන ඒවා හොඳින් කරන්න උත්සහ කරන කෙනෙක්. දැනට මම යම් වැඩ කොටසක් භාරගෙන තියෙනවා ඒ දේවල් සතුටින් කරගෙන සතුටින් ජීවත් වීම තමා බලාපොරොත්තුව

අනූෂා රණසිංහ

මුලාශ්‍ර – දේශය

ඔබගේ අදහස් උදහස් එක්කරන්න

Back to Top Button