පළකල දිනය : Thu, Aug 18th, 2016

පොලිසියේදී දිග හැරුණු අසම්මත පෙම

Story About Two Girls Fall In Loveතරුණියන් දෙදෙනකු අතර හටගත් අසම්මත ප්‍රේමයක් දුරදිග යෑමෙන් පසු වයස අවුරුදු 20ක් වූ තරුණිය වයස 15ක් වූ තම අනියම් පෙම්වතිය ත්‍රිරෝදරියක දමාගෙන බලෙන් පැහැරගෙන යෑමට තැත් කිරීමේදී ගම්මුන්ට කොටුවී ත්‍රිරෝද රථයත්, රියැදුරුත් සහායට පැමිණි තවත් තරුණියක්ද සමඟින් පෙම්වතියන් දෙදෙනාද හෙට්ටිපොළ පොලිසියට භාර දී තිබේ.

මේ පෙම්යුවළ ඥාති තරුණියන් වන අතර වැඩිමහල් තරුණිය (20) වෙන්නප්පුව ප්‍රදේශයේ පදිංචිකාරියකි.

හෙට්ටිපොළ ප්‍රදේශයේ ළාබාල (15) ඥාති තරුණියගේ නිවෙසට වරින්වර පැමිණ දින 2-3ක් ගතකර යෑමෙන් පසුව මෙම සබඳකම ඇතිවී ඇත.

ඉහත සඳහන් 20 හැවිරිදි තරුණිය කොණ්ඩය තරුණයකු ලෙස කොටට කපා කලිසම් කමිස අඳිමින් පිරිමි ඇඳුම් පැලඳුම් භාවිත කරන තැනැත්තියකි. දුම්පානයට ඇබ්බැහි වී ඇති ඇයගේ ශරීරයේ කීප පළකම පච්චාද කොටා ඇත. මෙනිසා බොහෝ දෙනකුට ඇය තරුණියකැයි සිතා ගත නොහැකි වී ඇත.

හෙට්ටිපොළ ප්‍රදේශයේ පදිංචි ළාබාල තරුණිය මැයට අමතා ඇත්තේ ”සුදු අයියා” නමිනි.

මේ දෙදෙනාගේ හිතවන්තකමත් පෙර තරු‚යගේ හැසිරීම් රටාවත් නිසා වැඩිමහල් තරු‚යට හෙට්ටිපොළ නිවෙසට ඒමට තහංචි දැමීම හේතුවෙන් ඇය සිය පෙම්වතිය පැහැරගෙන යෑමට සැලසුම් කොට ඇත.

මේ සඳහා අවුරුදු 18ක පමණ තවත් තරුණියකගේ සහාය ඇතිව හෙට්ටිපොළ නගරයට පැමිණ තිරෝද රථයක්ද සූදානම් කරගෙන මේ පැහැරගෙන යෑම ක්‍රියාත්මක කොට ඇත.

පොලිසියේදී දිග හැරුණු මෙම අසම්මත පෙම් පලහිලව්වේදී දෙදෙනා ලියන ලද පෙම්පත් තොගයක්ද හමුවී ඇති අතර දෙදෙනා ”සුදු අයියා” හා ”ආදර බී” නමින් ආමන්ත්‍රණය කොටගෙන ඇත.

දෙදෙනා වෛද්‍ය පරීක්ෂණයකට යොමු කරවීමට හෙට්ටිපොළ පොලිසිය කටයුතු කරගෙන යයි.

බාලවයස්කාර දැරිය පැහැරගෙන යෑමට පැමිණි බවට සැක කෙරෙන තරුණිය හා ඇයට සහාය වූ තරුණියත් එම ක්‍රියාව සඳහා සහායට පැමිණි ත්‍රිරෝද රථ රියැදුරත් හෙට්ටිපොළ මහෙස්ත්‍රාත් අධිකරණයට යොමු කොට ඇත.

හෙට්ටිපොළ පොලිස් ස්ථානාධිපති ප්‍ර.පො.ප. සුජීව ද සොයිසා මහතාගේ උපදෙස් මත අපරාධ විමර්ශන අංශයේ ස්ථානාධිපති පො.ප. නිලන්ත ප්‍රේමරත්න, ළමා හා කාන්තා කාර්යාංශයේ ස්ථානාධිපති උ.පො.ප. ආර්.එම්.එච්.කේ. රත්නායක යන නිලධාරීහු මේ පිළිබඳ වැඩිදුර පරීක්ෂණ පවත්වති.

ඔබගේ අදහස් උදහස් එක්කරන්න

Back to Top Button