පළකල දිනය : Tue, Jul 25th, 2017

සිංහල පොලිස් ආරක්ෂකයාගේ දිවි පිදීම ගැන උතුරේ සරසවි සිසුන්කම්පා වූ හැටි

යාපනය සරසවියේ ඉතිහාසයේ ප්‍රථම වතාවට මිය ගිය සිංහල ආරක්ෂක අංශ සාමාජිකයෙකු පළමු වතාවට ගුණ සමරා ආත්මයට ශාන්ති පැමිණවීම සම්බන්ධයෙන් යාපනය විශ්ව විද්‍යාලයේ ආචාර්ය මණ්ඩලයද ප්‍රශංශාවට භාජනය වී ඇත.

යාපනය සරසවියේ මිය ගිය අය වෙනුවෙන් ඉදිකොට ඇති ස්මාර්කය අසලදී පළමු වතාවට මෙසේ මල් පහන් දල්වා යාපනය මහාධිකරණ විනිසුරු මානික්කවාසගර් ඉලංචේලියන් මහතාගේ ආරක්ෂකයෙකු වශයෙන් සිටි වෙඩි ප්‍රහාරයකින් මිය ගිය හිටපු පොලිස් සැරයන් සරත් හේමචන්ද්‍රගේ ආත්මයට ශාන්ති පැමිණවීම සිදු කර ඇත.

යාපනය සරසවියේ අදාල සැමරුම් අවසථාවට මුලින් 65 ක් පමණ සහභාගී වුවද පසුව 300 කට අධික දෙමළ සිසු සිසුවයන් සහභාගී වෙමින් මල් පූජා කරමින් පහන් දැල්වීම විශේෂ විය.
 
මේ අතර යාපනය විශ්ව විද්‍යාල ශිෂ්‍ය සංගමය නිවේදනයක් නිකුත් කරමින්ද සඳහන් කොට ඇත්තේ ජාති ආගම් භේදයකින් තොරව තවත් පුද්ගලයෙකුගේ දිවි රැකීමට දිවිදුන් පොලිස් නිලධාරියා සැබෑ වීරයෙකු බවටත් අදාල වෙඩි ප්‍රහාරය හෙලා දකිමින් අදාල සැකකරු වහාම අත්අඩංගුවට ගත යුතු බවටත්ය.

මේ අතර යාපනය දමිළ සිසු සිසුවියන් මෙසේ සිහල ආරක්ෂක අංශ නිලධාරියෙකු වෙනුවෙන් මෙවැනි කටයුත්තක් පළමු වතාවට සිදු කිරීම සම්බන්ධයෙන් එම සිසුන්ට ප්‍රශංශා කොට ඇත.

– වන්නි රොමේෂ් මධුෂංඛ
 

 

 

ඔබගේ අදහස් උදහස් එක්කරන්න

Back to Top Button