පළකල දිනය : Sat, Apr 21st, 2018

බලාපොරොත්තු කැඩුනට පස්සේ මුතූ කරපු දෙයක් !

අවුරුදු තුනකට විතර පස්සේ ආයෙත් පුංචි තිරයට ඇවිත් නේද ?
ඔව්, බුද්ධිනී ජයවර්ධන තිර රචනය කරපු නුවනි වලිමුනි නිෂ්පාදනය කරපු ‘අහස්’ කියන ටෙලි නාට්‍යයට දායක වුණා.

මෙච්චර කාලයක් ඇයි හැංගිලා හිටියෙ ?
ඇත්තටම මට කේෂ්ත්‍රය ගැන ලොකු කලකිරීමක් තිබුණා. සමහර රූගත කිරීම්වලදී කෑම බීම අන්තිමයි. අපිට ඇදුම්, වාහන තියෙනවා නම් තමයි නාට්‍යවලට ගන්නෙ. අනෙක සල්ලි දෙන්නත් පරක්කු වෙනවා.

‘අහස්’ නාට්‍යයට එකතු වෙන්න හිතුණෙ ඇයි ?
පිටපත බැලුවම තේරුණා මේක හොදයි කියලා. නිෂ්පාදනයත් ගොඩක් ඉහළයි. ජීවිතයේදී ලැබුණු හොදම කතාවක්. මේ නාට්‍යයේ නළු, නිළියන්, කැමරා ශිල්පීන් ඇතුළු මුළු කණ්ඩායමම බොහොම සුහදශීලීයි. අනෙක බුද්ධිනී සහ නුවනි මට මගේ ගණන් අඩු කරන්න කිව්වෙත් නැහැ. ඒ නිසා අපිට වුණත් ධෛර්යයක් ඇති වෙනවා වැඩ කරන්න.

ඒ කියන්නේ මේ නාට්‍යයේදී මුතූට ප්‍රශ්න ආවේ නෑ කියන එකද ?
ඔව්, බුද්ධිනී, නුවනි සහ කැමරා අධ්‍යකෂ ඇතුළු හැම කෙනාටම ගොඩක් ස්තූති කරන්න ඕන. සමහර වෙලාවට රූගත කිරීම්වලදී කවුරුහරි බාධා කළොත් අපිට ඒ චරිතය හරියට කරගන්න බැරිවනෙවා. ඒත් මේ නාට්‍යයේදී හැම කෙනාගෙන්ම සහයෝගය මට ලැබුණා.

‘අහස්’ වෙනස් වැඩක්ද ?
ඔව්. ප්‍රශ්නවලට මුහුණ දෙමින් ජීවිතය ගෙනියන්නෙ කොහොමද කියන එක තමයි මේ කතාවේ තියෙන්නෙ. හරිම ලස්සන කතාවක්. හරිම ආසාවෙන් මම එහි රගපෑවා.

ගායනය පැත්තට යොමු වුණේ රංගනය ගැන කලකිරුණු නිසාද ?
ඔව්. ඇත්තටම කලකිරුණු නිසා. නැත්නම් මං තාමත් රංගන කටයුතු විතරයි කරන්නෙ. ඒ නිසාම තමයි මම ‘ළං වුණා’ ගීතයත් කළේ.

දැන්මම විවාහ වෙන්න අදහසක් නැද්ද ?
මම හිතන්නෙ හැමදේටම වාසනාව සහ වෙලාව තියෙන්න ඕන. කොච්චර බලාපොරොත්තු තිබුණත් වැඩක් නැහැ. මගේ බලාපොරොත්තු ගොඩක් කඩවුණා. හිත් රිදීම් ඇති වෙන නිසා මම දැන් ලොකුවට බලාපොරොත්තු තියාගන්නෙත් නැහැ. ඒ තැනට මම වැටෙන්නන කමැති නැහැ.

මොනවද අලුත් වැඩ ?
අලුතින් සින්දුවක් කළා. ළගදීම ඒකට වීඩියෝ එකක් කරන්න ඉන්නෙ. ඒ ගීතය නම් කරලා තියෙන්නේ දිවුරලා කියන නමින්. එහි සංගීතය චන්දන වල්පොලගේ. පද රචනය සජිත් වී. චතුරංගගේ.

ඔබගේ අදහස් උදහස් එක්කරන්න

Back to Top Button