පළකල දිනය : Wed, Jun 13th, 2018

පණපිටින් ලේ වැගිරෙන කුකුළෙක්‌ “අතේ” යාපනයට යක්‍ෂ බියක්‌ !

යාපනයේ පළාත් කීපයක වැසියන් යළිත් වරක්‌ අමනුෂ්‍ය බියකින් පෙළෙන්නට පටන්ගෙන තිබේ.

මෙවර යාපනයේ වැසියන් මුහුණදී සිටින්නේ මීට පෙර පැවති භූත උවදුරකට නොව ‘යක්‌ෂ’ උවදුරකටය.

යාපනයේ වැසියන් කියා සිටින්නේ මේ අද්භූත යක්‌ෂයාගේ එක්‌ අතක පණපිටින් ලේ වැගිරෙන කුකුළකු සිටින බවයි. අනෙක්‌ අතේ ද ලේ තැවරී ඇති බවත් මේ යක්‌ෂයා දුටු බව කියන යාපනයේ බොහෝ අය කියති.

මුලදී යක්‌ෂයා දුටු පිරිස යාපනයේ සෙසු අයට මේ යකා ගැන පවසන ලද අවස්‌ථාවේදී ඔවුන් අවඥාවට ලක්‌කළ නමුත් යක්‌ෂයා දුටු අයකු යාපනයේ ජනමාධ්‍ය වෙත යක්‌ෂයාගේ ඡායාරූප කීපයක්‌ ඉදිරිපත් කිරීමෙන් පසුව එම යකා ඊට පෙර දුටු පිරිස ද පවසා ඇත්තේ තමන් දුටුවේ ද මේ යක්‌ෂයාම බවයි.

මුහුණ යාන්තමට දැකිය හැකි නමුත් එය ඉතා පැහැදිලිය. හඳුනාගත නොහැකි මේ යක්‌ෂයා සුදු වස්‌ත්‍රයක්‌ මුළු ඇඟපුරාම දවටාගෙන සිටින උස පුද්ගලයකු බව යාපනයේ වැසියෝ කියා සිටිති.

පිරිස යක්‌ෂයා දැක ඇත්තේ අලුයම එකෙන් පසුවය.

කෙසේ වෙතත් මේ යක්‌ෂ කතාව නිසා මුලදී බියට පත් නොවූ යාපනයේ ජනතාව යක්‌ෂයාගේ ඡායාරූප දැකගනීමට ලැබීමෙන් පසුව බොහෝ සෙයින් බියට පත්ව තිබේ.

යළිත් පෙර භූත උවදුර පැවති සමයේදී මෙන් රාත්‍රි කාලයට කවුරුන් කතා කළත් දොරවල් නොඅරින තත්ත්වයටත්, රාත්‍රි කාලයට ගමන් බිමන් නොයැමටත් දැන් යාපනයේ ජනතාව පුරුදු වී සිටිති.

– දිනසේන රතුගමගේ

Comments පලකිරීමට පහතට යන්න


Displaying Comments 2
Have Your Say
  1. Piyal weerasinghe says:

    යාපනේ 30 වසරක් හොල්මන් කරපු ප්‍රභාකරන් යක්ෂ යට වැඩිය භයානක ද මේ අත්භූත යක්ෂයෙකුට..???

  2. suranga says:

    Hmm ehema pracharaya yawala minissunta eka oppu krala pennanna natyakuth gahala minissu tika denek marala minissu hondatama baya karanne mokatada????
    ? Ethakata hora wade plan karala karana unta kisima badawak na. Palu ge walan bindeema gajarameta karathehaki.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Back to Top Button