පළකල දිනය : Sat, Oct 6th, 2018

මහචාර්ය රාජ් සෝමදේවගේ කැනීම් බලපත්‍ර අහෝසි කරේ ඇයි ?

ඉතිහාසයේ ලියැවී ඇති පරිදි සිංහලයන් පැවත එන්නේ විජය නම් ඉන්දියානු ආක්‍රමණිකයාගෙනි. කෙසේ වෙතත් සිංහලයන්ගේ සැබෑ ඉතිහාසයට අනුව සිංහලයන් යනු වසර 2500කටත් වඩා පෞඩ ඉතිහාසයක් සහිත ශ්‍රී ලංකාවේම ශිෂ්ඨාචාරගත වූ දියුණු ජාතියක් බවට සාධක සහිතවම පසුගිය දිනවල වියත් මහාචාර්යවරයෙක් ඔප්පු කරමින් සිටියේය.

ඔහු ශ්‍රී ලංකාවේ පුරාවිද්‍යාව සහ ඉතිහාසය උගතුන් අතර ඉහළින්ම සිටිනා මහාචාර්ය රාජ් සෝමදේවයි. හෝමො සේපියන්ස් මානවයා ශ්‍රී ලංකාවේ ජීවත් වූයේ වසර 150,000කටත් පෙර බවත්, විජය රජු පැමිණියා යැයි කියන වසර 2500කටත් පෙර සිට ශ්‍රී ලංකාව හැදින්වූයේ ‘සිංහලද්වීපය’ යනුවෙන් බවට එතුමන් හෙළිකර සිටියා. මේ අනුව සිංහලයන් පැවත එන්නේ විජය රජු නම් ඉන්දීය ජාතිකයාගෙන් නොවන බවට ඔහු සාක්ෂි සහිතව තහවුරු කළා. තවද ශ්‍රී ලංකාව සිංහලයන් වසර දහස් ගණනක සිට ජීවත් වූ නිජබිම බවටත් එතුමන් හෙළිකර සිටියා.

මේ අතර උතුරු පළාත් මහ ඇමතිවරයා පසුගියදා ප්‍රකාශ කළේ ශ්‍රී ලංකාවේ උතුරු පළාත අතීතයේ සිටම දෙමළ නිජබිමක් බවයි. මෙම ප්‍රකාශය දැඩිව හෙළා දුටු මහාචාර්ය රාජ් සෝමදේවයන් ප්‍රකාශ කළේ දෙමළ ජනතාවට ශ්‍රි ලංකාවට ප්‍රථමයෙන්ම සංක්‍රමණය වූයේ වෙළදාමට බවට ඓතිහාසික සාක්ෂි පවතින බවටයි.

මහාචාර්ය රාජ් සෝමදේවයන් විසින් සිංහලයන්ගේ සත්‍ය ඉතිහාසය මෙලෙසින් හෙළිකිරීම ලොව පුරා කතාබහට ලක්වූවා. මහාචාර්යවරයාගේ පුරාවිද්‍යා ගවේෂණ ෆෙඩරල්වාදී බෙදුම්වාදීන්ට තර්ජනයක් බවට පත්වූයේ එම නිසා බවටත් සමාජයේ කතාබහක් ඇතිව තිබේ.

මෙවැනි තත්වයක් මත මහාචාර්ය රාජ් සෝමදේවයන්ගේ පුරාවිද්‍යා ගවේෂණ සහ ඓතිහාසික හෙළිදරවු නතර කර දැමීම සදහා මෙලෙසින් එතුමන්ගේ කැණීම් බලපත්‍රය අහෝසී කර ඇති බවට සමාජජාලා මාධ්‍යයන්හී චෝදනා එල්ල වී තිබේ. මේ පිළිබදව මහාචාර්ය රාජ් සෝමදේවයන්ගෙන් විමසු විට ඔහු ප්‍රකාශ කළේ තමන්ගේ කැණීම් බලපත්‍රය මෙලෙසින් අහෝසී කිරීමට සාධාරණ හේතුවක් නොමැති බවත් මෙහි පාඩුව ඇත්තේ සත්‍ය ඉතිහාසය දැන ගත යුතු ජනතාව බවටයි.

  • 2.5K
    Shares

ඔබගේ අදහස් උදහස් එක්කරන්න

Back to Top Button