පළකල දිනය : Wed, Sep 18th, 2019

පියා වෙනුවෙන් කෘත්‍රිම අතක් නිපද වූ පුතෙක්

වසර දහයකට පෙර පියාට අනතුරකින් තුවාල වූ අත වෙනුවෙන් කෘත්‍රිම අතක් නිපදවීමට මුලතිව් මල්ලාවී ප්‍රදේශයේ තරුණයෙකු සමත් වී තිබෙනවා.

එස්.දුෂ්‍යන්තන් නැමති මෙම තරුණයා විශ්ව විද්‍යාල සිසුවකු වන අතර ඔහුගේ පියාගේ අත මීට වසර දහයකට පෙර දරුණු ලෙස තුවාල වී තිබුණා.

කනපතිපිල්ලේ පද්මනාදන් නැමති එම පියාගේ අත රෝහලේදී ශල්‍ය කර්මයකට ලක් කර ඇති අතර සිය පියාට කෘත්‍රිම අතක් සවි කිරීමට ගිය අවස්ථාවේදී ඒ සඳහා විශාල මුදලක් අවශ්‍ය වූ නිසා කෘත්‍රිම අතක් සවි කිරීම පද්මනාදන් ගේ පවුලේ උදවියට සිහිනයක් වී තිබුණා.

පද්මනාදන්ගේ පුතා වූ දුෂ්‍යන්තන් එදා සිටම උත්සහ කොට ඇත්තේ කෙසේ හෝ සිය පියාට කෘත්‍රිම අතක් නිෂ්පාදනය කිරීමටයි.

මේ පිළිබදව ඉතා දීර්ඝ වශයෙන් අධ්‍යයනය කිරීමෙන් පසුව ඔහුට සිය පියා වෙනුවෙන් කෘත්‍රිම අතක් නිෂ්පාදනය කොට සිය පියාට සවි කිරීමට හැකි වී තිබෙනවා.

නෙත්නිව්ස්
දිනසේන රතුගමගේ

ඔබගේ අදහස් උදහස් එක්කරන්න

Back to Top Button